WHAT'S IN MY MAKEUP POUCH

又係無無聊聊嘅一日，想減下壓，就嚟個無聊 post 啦 - What's In My Makeup Pouch!

咁。。。我哋而家開始啦。。。

1. 話明係 makeup pouch 咁首先哽係要講下個 pouch 啦 - 其實都冇乜特別嘅。之前嗰個 post 都有講過下。佢係一隻囉嚟放 christmas gift 嘅一個包包，係好幾年前收到嘅。其實我都唔記得裡面擺咗啲乜 christmas gift. 哈哈哈哈哈~~~ 請原諒我的不可要的記憶力！

2. 紙巾 - 我最喜愛的 sanrio 成員 - My Melody 紙巾包。我家姐知道我鐘意 My Melody, 佢買咗一大包俾我，我諗裡面有成百包！哈哈哈哈哈~~~ 我家姐真係好愛我㗎！*p/s1: 我平時都有帶濕紙巾。只係影相嗰陣時咁啱用哂咗* *p/s2:唔好問我點解要帶咁多包紙巾。我都唔知*

3. 橡筋 - 不經不覺我啲頭髮都留到膊頭位，橡筋係我而家別需帶嘅嘢。有時遇著 bad hair day 就可以隨意扎起把頭髮。有時食完晏，熱到阿媽都唔認得嗰時又可以扎起把頭髮。呢個時候呢一樣嘢係對非常重要！*p/s1: 唔好問我點解要帶咁多條橡筋。我都唔知*

4. 木梳 - 呢把木梳我都用咗好耐㗎啦，冇 10 年都有 8 年啦。。。佢有個好特別嘅功能。佢真係可以梳到啲頭髮好貼。貼嘅意思唔係會梳到啲頭髮扁扁咁。我係指啲頭髮會梳得貼服，啲 baby hair 唔會飛哂上嚟好似被電電親咁。。。係 ichiban 好用！

5. 大象圖嘅牙籤袋 - so far 係我收到最實用嘅一份禮物！愛死佢啊~~~ 自從幾年前戴上牙箍之後我都有帶牙籤出街嘅習慣，方便清理卡住牙箍嘅食物殘渣。呢個牙籤袋仲有塊鏡仔可以照下棚牙添！

6. 黑色盒嘅鏡 - 普通一塊細形化妝鏡，冇乜特別需要形容。只係我用呢塊鏡耐過我用嗰把木梳唧。。。

7. 消毒綿 - 我要講明一下！我冇潔癖！我係順隨用消毒綿嚟抹手提電話唧！唔知點解有時部電話會油淋淋咁，超多手指印！我覺得用消毒綿嚟抹會乾淨啲。。。所以就會帶囉。。。

8. 葉酸片 - 我一直都有食開葉酸片。每朝食完早餐就食一粒。有時 skip 咗早餐就等食完晏先之食。冇規定要幾時食嘅。

9. 眼葯水 - 因為戴 con 戴得非常非常長時間，通常對眼會偏乾，由其到傍晚嘅時候。呢支眼葯水係俾戴 con 之人專用嘅。滴咗之後超舒服，泛紅嘅眼會即刻舒緩返 *blink blink*

10. Pendrive - 唔好問我點解個 makeup pouch 裡面有隻 pendrive. 我都唔知！！！哈哈哈哈哈~~~

11. 指甲鉗 - 由于我嘅手指經常甩皮爆甲，指甲鉗係我嘅別帶品！我一定一定會帶佢出街！呢支指甲鉗有一個好大嘅缺點，佢個架會甩出嚟㗎！！！有時剪剪下個架就甩出嚟，都幾危險㗎，隨時會「線」手剪到肉！我仲用緊佢嘅原因係因為佢夠利！只要小心啲用就可稱得上好用！

12. 吸油紙 - 呢個包裝超靚嘅吸油紙係朋友喺泰國買返嚟送俾我嘅。暫時我都未喺本地見到呢個牌子嘅出現。非常好用！我係個 T-Zone 油人，通常一張係唔夠吸哂我 T-Zone 啲油。但係呢個牌子，一張就settle！吸完之後係即刻即刻感到清新，可以即刻上碎粉，又靚返哂啦！

13. 潤唇膏 & 唇膏 - 我要講下支潤唇膏先。我個唇係超乾，乾到無時無刻都甩皮。連訓緊覺都會甩皮！呢支潤唇膏真係 ichiban 好用！好滋潤好滋潤！搽唇膏之前先搽一下呢支潤唇膏，唔單止可以搶救我乾爆嘅唇仲可以帶出唇膏原本嘅顏色出嚟。神奇哩。。。之後講下啲唇膏啦。。。嗐。。。都唔知點解我可以帶咁多支唇膏出街。有橘色，粉紅色同粉紫色。其實一日邊用得到咁多支咁多個色啦？！我只係懶得每日揀唇膏啫。。。嘻嘻嘻。。。

14. 唇掃 - 個人 OCD, 唔慣直接搽上唇膏。一定要用掃上，覺得衛生啲。而且顏色會上得均勻啲。呢支掃快要 KO 㗎啦。我都係時候要 scout 下支新唇掃啦！

15. 碎粉 & 碎粉掃 - 呢個碎粉盒係單裝，要另買嘅。貪佢細細盒方便帶出街。每次 refill 都唔會 refill 到滿，只會 refill 到一半。免得啲粉會唔小心倒哂出嚟。我記得支碎粉掃係同隻碎粉盒一齊買嘅，所以係屬一品牌。

就係咁啦。。。講完啦。。。由于呢個 post 唔係廣告 post, 我都唔會特別或刻意提起任何牌子。見到嘅就見啦。除非本人想特別介紹/推介某某牌子啦。