第四晚心情 @ Kopi VS 咖啡

話說...

我老公話我飲咖啡時'懶'高檔. 原因係... 我只係飲西式咖啡而唔飲本土 Kopi. 我覺得佢哋係同類飲品但大大的不同! 無論喺色水上, 味道上, 口味同口感上, 完完全全係兩回事!

 

本土 Kopi 大多數係用各種油煮炒. 油係指牛油, 菜油, 植物油. 而西式咖啡大多數係用焙乾. 至于處理咖啡豆嘅過程啊... 泡啊... serving style 啊... 係肯定有大大的不同啦.

 

起碼我冇睇過本土 Kopi 有 3D 拉花囉又或者 barista 用羹'啃啃啃'咁泡咖啡囉... 哈哈哈...

 

我總係覺得喺 cafe 飲咖啡係邊飲邊睇時裝雜誌. 喺 kopi 茶室飲 kopi 係邊飲邊睇報紙. 哈哈哈... 有啲歧視...

 

今個星期四就咁先. 下星期四見...

 

Google images

第四晚心情 @ 仲會有多余的時間嗎？ (週末或假日之呆係屋企篇)

話說...

730am - 1030am
起床，有時需要曬衫，搞掂囡囡，叫老公起身，出街市，食早餐，返屋企

1030am - 1230pm
執好啲戰利品，準備晏餐

1230pm - 430pm
食晏餐, 睇下電視，陪囡囡玩下同囡囡一齊沖涼，瞓晏覺

430pm - 700pm
起身，食下 tea, 陪囡囡玩

1030pm - 1100pm
落狀，沖涼，氹囡囡瞓覺，自己都瞓埋一份

°完° 真係需要下個星期四見。。。

第四晚心情 @ 仲會有多余的時間嗎？ (平常日篇)

話說...

530am - 830am
起床，*有時需要曬衫*，沖涼，送囡囡返學，塞車，到公司

830am - 630pm
埋頭苦幹

630pm - 830pm
放工，會合老公，塞車，接囡囡返屋企

830pm - 1030pm
食晚餐，睇下電視，洗碗，幫囡囡執書包，煲聽日早餐食嘅粥，*有時需要摺衫*

1030pm - 1100pm
落狀，沖涼，氹囡囡瞓覺，自己都瞓埋一份

°完° 真係需要下個星期四見。。。*low batt*

第四晚心情 @ 佢話佢係姐姐

話說...

囡囡自重上學之後就不斷話自己已大個女，係個姐姐。但喺適當嘅時候佢就係 baby. 真係估佢唔到！

當佢突然係姐姐時。。。
佢係有請求嘅，比如話 baby 唔可以做/玩嘅嘢 - 剪刀啊，手提電話，手提電腦，平版電腦，遙控器，花灑頭，廁所板，幫忙 (玩) 洗碗，幫忙 (玩) 煮飯，等等等等。。。

當佢突然係 baby 時。。。
佢亦都係有請求嘅，比如話對我哋兩個大人嚟講，係姐姐唔可以做嘅嘢 - 要抱住行街，要抱住瞓覺，要求用奶樽飲水 (終於戒甩咗), 咋嬌，發爛咋唔要返學，淨要喺桶桶大小便，等等等等。。。

日日係咁變嚟變去，變到我都亂咗，唔知佢幾時係姐姐，幾時係 baby. 每當佢有多多 pattern 時，我都好想問鬼佢，'妳而家究竟係姐姐定係 baby 啊？唔好亂嚟！'

哈哈~~~ 今個星期四就係咁先.下星期四見...

第四晚心情 ＠ 我條完美牛仔褲

話說...

對我嚟講，一條完美嘅牛仔褲要有以下嘅條件：
1. 啱 style, 仲要著咗之後更能特出自己嘅 style
2. 啱 cutting, 係應該跟住嗰系列嚟講 cutting 而唔係將條 bootcut 著到似條 skinny 然後嗝硬屈佢係條 skinny
3. 啱 colour, 首先要接受呢一個道理 - 係呢個黑，唔係嗰個黑！係呢個白，唔係嗰個白！一但理解呢個道理就自然會知道乜嘢係啱 colour
4. 啱 length, 短腳人就需記得要花啲心思諗下啱自己高度嘅 length. 把 cropped jeans 著成地拖咁嘅款真係唔係咁好睇㗎。。。

少少個人睇法。下星期四見...

第四晚心情 @ 拋回 29.09.2015

今次唔係話說啦，係真㗎。。。

未做過人阿媽係唔會知做人阿媽有幾辛苦。可以由囡囡嘅頭髮尾擔心到去腳趾尾。頭暈身熱唔在講，連有冇屙都擔心得一餐。我真係有懷疑過自己有冇計過囡囡一日眨幾多次眼！哈哈哈~~~

囡囡因為身體不適需要入院'度假'. 每一支打入皮膚裡去的針，每一滴逼落喉嚨去的葯，聽到每一次囡囡的喊聲，睇到每一滴囡囡的眼淚都好似刀仔插心口般痛！睇到醫生護士有恐懼症嘅反而係我！我唔想重複嗰一種痛。。。

喺醫院嗰幾晚，每晚都喊到訓著，訓到半夜嚇醒，攬住死都唔鬆手，令到我好心痛。抱住佢，我自己都偷偷哭泣了。。。

今次呢件事令我更愛更愛囡囡。我唔會再理佢要抱住我訓又或者要摸住我耳仔訓又或者要我抱住佢行3個鐘街，我都會俾佢做，為佢做。。。

我的小天使，小魔怪啊，妳要健健康康咁成長。mummy好愛好愛妳 <3

第四晚心情 @ 唔知喎... 係咩?

話說...

有句詞好好用 - 唔知喎...
有個問題好好問 - 係咩?
如果句詞加埋個問題嚟用 - 會變成一個子 - 絕!
尤其係由最乞你憎嘅人講出! 我想殺死佢!

 

好嬲啊! 唔講啦! 下星期四見...

 

Google images

 

第四晚心情 @ 生命好脆弱...

話說...

死忙不可怕
面對死忙才痛苦...

 

人人話編...
人人話要睇開啲...
人人話要保持開朗樂觀心態...
人人話要存正能量...
人人話要開開心心過每一天...

 

悲觀者話編...
真係有咁易嗎?
講就得? 講咗就係嗎?

你哋唔係我，係唔會明白我嘅痛！
如果咁易, 醫生唔洗要啦...

 

樂觀者話編...
過程好難捱, 唔開心又係咁捱, 開心又係咁捱, 不如開心啲捱. 笑口常開時間易過啲...
齋講就梗係唔得. 講咗都唔一定會係. 但唔講俾自己知就乜都唔會係!
真係唔易㗎. 絕望時, 醫生其實可以做啲乜? 一切都要靠自己!

 

生命真係好脆弱. 要做個咩類型嘅人, 請你好好選擇...

 

朋友們, 珍惜生命, 保重. 下星期四見...

 

Google images